The Institute of Gunnar Gunnarsson wish you all a happy new year. The first evening of card game or Ombre night will be on Friday the 13th January. We start playing at 20.00 as usual. Open for beginners as professional ombre-players.

Gunnarsstofnun og Klausturkaffi senda gestum sínum og velunnurum bestu óskir um gleðileg jól og farsæld á nýju ári.

Þrjár nýjar bækur eru komnar út á Skriðuklaustri. Klausturkaffi hefur gefið út Uppáhaldsuppskriftir Elísabetar í handhægu spjaldaformi bæði á íslensku og ensku. Hjá Gunnarsstofnun er komin út Litabók um Grýlu með verðlaunateikningum austfirskra grunnskólabarna og gömlum kvæðabrotum. Fyrir þá sem vilja enn meira af Grýlu eru komin út Austfirsk Grýlukvæði í ritröðinni Austfirsk safnrit. Þessar bækur er hægt að panta frá Skriðuklaustri en þær eru einnig seldar Húsi handanna á Egilsstöðum.

Í dag eru liðin 100 ár frá því fyrsta bók Gunnars Gunnarssonar kom út í Danmörku. Það var ljóðasafnið Digte sem í eru 19 kvæði og kom út hjá V. Pios Boghandel á kostnað Gunnars sjálfs. Landsbókasafn Íslands - Háskólabókasafn og Gunnarsstofnun standa fyrir málstofu um ljóðskáldið Gunnar í Þjóðarbókhlöðu í tilefni þessa aldarafmæli. Frummælendur verða: Jón Yngvi Jóhannsson, bókmenntafræðingur og höfundur ævisögu Gunnars, Sveinn Yngvi Egilsson, prófessor við Háskóla Íslands og Skúli Björn Gunnarsson, forstöðumaður Gunnarsstofnunar. Málstofan hefst kl. 16 í dag 1. des. í fyrirlestrasal Þjóðarbókhlöðu. Aðgangur er ókeypis og allir velkomnir. Til sýnis verða bæði handrit og bækur sem tengjast ljóðagerð Gunnars. Landsbókasafnið, Gunnarsstofnun og erfingjar skáldins hafa af þessu tilefni gert ljóðasafnið Digte aðgengilegt á vefnum  baekur.is.