Vetrarlokun að taka við

Nú er haustið gengið í garð og þá dregur úr opnun á Skriðuklaustri. Næstu tvær vikur verður opið sem hér segir: Þriðjud. og miðvikud. 16.-17. og 23.-24. okt. verður opið kl. 11-15 og þá er hádegishlaðborð hjá Klausturkaffi. Síðan verður opið sunnud. 28. okt. kl. 12-17 með málþingi um skandinavisma og fullveldi (sjá Facebook) og kaffihlaðborði. En eftir það skellum við í lás fram yfir 20. nóvember þegar fastir viðburðir fara að skella á í skammdeginu.

The autumn is here and therefore we are closing at the cultural center and café. Next two weeks we will be open on Tuesdays and Wednesdays (16th-17th and 23rd-24th Oct.) from 11:00-15:00 and Klausturkaffi will offer lunch buffet. And on Sunday 28th Oct. we will be open 12:00-17:00 with cake buffet and a seminar in the afternoon. After that we are closed until late November when annual events of the dark December will take place as usual.

Melarétt og styttri opnun á réttardegi

Laugardaginn 22. september verður Melarétt í Fljótsdal. Að venju verður styttri opnunartími á Skriðuklaustri á réttardeginum. Klausturkaffi verður opið kl. 13-17 og býður upp á hádegishlaðborð og síðan kaffiveitingar seinnipartinn en safnið verður opið kl. 15-17. Við hvetjum fólk til að fjölmenna á Melarétt en byrjað verður að reka inn um kl. 11. 

Saturday 22nd September the café is open 13:00-17:00 and the museum is open 15:00-17:00 due to the sheep gathering of Melarett close by which starts at 11:00.

Forsetahjónin ásamt Helga Hallgrímssyni

Forsetahjónin í heimsókn

Fimmtudaginn 13. september lauk opinberri heimsókn forseta Íslands, Guðna Jóhannessonar, og konu hans Elizu Reid á Hérað og Borgarfjörð eystri. Síðasti viðkomustaðurinn var Skriðuklaustur og þar tóku á móti forsetanum stjórn Gunnarsstofnunar og íbúar Fljótsdalshrepps en sveitarfélagið bauð til móttökunnar. Við það tækifæri var forsetanum færð að gjöf Fljótsdæla eftir Helga Hallgrímsson og var höfundur bókarinnar viðstaddur. Einnig gaf Gunnarsstofnun forsetafrúnni nisti sem er eftirlíking úr silfri af litlum lykli sem fannst við fornleifauppgröft á miðaldaklaustrinu. Gáfu forsetahjónin sér tíma til að skoða bæði minjasvæðið og hina nýju sýndarveruleikasýningu um miðaldaklaustrið auk þess sem þau fræddust um Gunnar og Gunnarshús. 
Ljósm. GG.

Aksjón á Fljótsdalsdegi

Haustið 1948 fluttu Gunnar Gunnarsson skáld og Franzisca kona hans frá Skriðuklaustri til Reykjavíkur. Þá var haldin aksjón og boðið upp það sem þau tóku ekki með sér suður. Í uppboðsgjörðinni sem til er varðveitt í gjörðabókum hreppstjóra Fljótsdalshrepps eru skráðir um 780 munir, allt frá naglapökkum til dráttarvélar. Til að minnast þess að 70 ár eru liðin frá þessu stóra uppboði efndi Gunnarsstofnun til aksjónar á Fljótsdalsdegi sl. sunnudag 19. ágúst. Boðnir voru upp misgamlir munir og skráðar sölur voru 28. Ágæt stemning myndaðist í góða veðrinu og var grimmt boðið í suma muni. Uppboðsstjóri var Árni Jón Þórðarson og ágóðinn, um 120 þús. kr., rennur til Pieta samtakanna. 

Mannlífsmyndir frá fjarlægum slóðum

Ný sýning hefur verið opnuð í gallerí Klaustri. Þráinn Lárusson sýnir svarthvítar myndir sem hann hefur tekið á ferðalögum sínum undanfarin ár á fjarlægum slóðum. Myndirnar eru í anda götuljósmyndunar, af fólki sem veit ekki að verið er að taka af því mynd og rétta augnablikið fangað með linsunni. Sýningin verður opin alla daga til 2. september.

Hafðu samband

  • This email address is being protected from spambots. You need JavaScript enabled to view it.

Komdu í heimsókn

Fylgdu okkur