Reiknipeningur
Franskur reiknipeningur er meðal þess sem fundist hefur við fornleifauppgröftinn. Slíkir peningar voru notaðir sem merki á línum til útreiknings og höfðu sjálfir ekkert sérstakt verðgildi. Línurnar voru dregnar á dúk eða fjöl en einnig voru til reikniborð með inngreiptum línum. Peningurinn sem fannst á Skriðuklaustri er skreyttur sverðliljum, merki frönsku konungsfjölskyldunnar og Möltukrossi, sem tengist meðal annars musterisriddurum og ýmsum miðaldareglum í Evrópu. Þekkt er að franskir konungar létu árlega slá reiknipeninga handa embættismönnum sínum og þetta er einn slíkur, trúlega frá síðari hluta 15. aldar. Hvernig hann er kominn til Íslands og hvort hann hefur verið notaður við útreikninga á Skriðuklaustri verður ekki sagt til um með vissu en Stefán biskup Jónsson var lærður frá Frakklandi og gæti hafa komið með peninginn
Heilög Barbara
Í rústum kirkjunnar fannst líkneski af heilagri Barböru, en það var framleitt í Utrecht í Hollandi á 15. öld (Þóra Kristjánsdóttir, 2008, bls. 148-149). Það var brotið þegar það fannst en sambærilegt líkneski, sem aðeins eru til varðveitt erlendis, eru um 35 cm á hæð.Áhöld til lækninga
Afþreying
Taflmaður fannst í úrgangsleifum í innganginum við hlið matsalarins. Elstu heimildir um skáklistina eru frá 6.öld e. Kr. og talið er að kirkjunnar menn hafi flutt nútímaskák hingað til lands á fyrstu öldum kristni. Erlendis finnast taflmenn oft í klausturrústum.Gullhringur
Gullhringur fannst í gröf við kór kirkjunnar á Skriðuklaustri. Óvíst er frá hvaða tímabili hann er, nema að því leyti að ljóst er að um miðaldagerð er að ræða og erlenda smíð.
Liljulauf
Liljulaufið fannst í útjaðri kirkjugarðsins, við útvegg þess herbergis sem nefnt hefur verið scriptorium. Á laufinu er festing og er hvoru tveggja úr járni.Hnífskaft
Einn þeirra hnífa sem fannst [2009] er með skreyttu skafti úr látúni. Fannst hann í sjúkrasal
klaustursins. Skreytingin sýnir Maríu mey en klaustrið var helgað henni.