Árið 1947 var stofnuð tilraunastöð á vegum ríkisins á Hafursá í Skógum. Hún var flutt í Skriðuklaustur 1949 og hafði sauðfjárkynbætur og ræktunartilraunir að viðfangi.

Eftir stofnun Rannsóknastofnunar landbúnaðarins (RALA) 1965 var stöðin innan hennar vébanda. Sérstakir bústjórar og tilraunastjórar sátu á Klaustri og stýrðu starfseminni í hartnær 40 ár. Á þeim tíma voru byggð stór fjárhús og fleiri útihús á jörðinni auk þess sem túnrækt var mikil. Frá 1985 og þar til tilraunastöðin var formlega lögð niður 1990, sá Búnaðarsamband Austurlands um búreksturinn en RALA um tilraunastarfið.

Tilraunastjórar á Skriðuklaustri:

• Jónas Pétursson, síðar alþingismaður, 1949-1961
• Matthías Eggertsson, síðar ritstjóri Freys, 1961-1971
• Þór Þorbergsson, búvísindamaður, 1971-1984
• Þórarinn Lárusson, búnaðarráðunautur, 1984-1990.

 

Hér má finna viðtal við Þór Þorbergsson í Þjóðviljanum 1.4.1979.