Þann 18. júní 2002 var 140 m2 stórt rannsóknarsvæði opnað um 150 metrum neðan við Gunnarshús á Skriðuklaustri. Sett var upp hnitakerfi, svæðinu skipt í fjóra reiti og byrjað að grafa. Staðsetning rannsóknarsvæðisins var miðuð við niðurstöður úr forkönnun sem gerð var á þessu svæði sumarið 2000 en þar komu í ljós vegghleðslur bygginga frá tímum klaustursins svo og leifar bæjarstæðis þar undir.

Uppgröftinn annast félagið Skriðuklaustursrannsóknir, sem Minjasafn Austurlands og Gunnarsstofnun eru aðilar að. Framkvæmdastjóri félagsins og verkefnisstjóri er Steinunn Kristjánsdóttir fornleifafræðingur.