Þá er að renna upp fyrsta helgin sem Klausturkaffi býður upp á aðventuhlaðborð. Fyrsta kvöldið er laugardaginn 24. nóv. og eru enn nokkur borð laus. En síðan verða aðventuhlaðborð á föstudags- og laugardagskvöldum allt fram til 15. desember. Hafi menn ekki þegar tryggt sér borð er vissara að hafa samband við Elísabetu sem fyrst ( Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. ). Að venju verður dekrað við gesti með heitum drykk þegar komið er í hús og síðan svigna borðin undan austfirskum krásum og alskyns góðgæti úr eldhúsinu hjá Elísabetu.

Í tilefni Daga myrkurs verður opið á Skriðuklaustri sun. 4. nóv. kl. 14-18. Bæði verður opið í Gunnarshúsi og Snæfellsstofu. Skúli Björn Gunnarsson flytur erindi um myrkur og skáldskap kl. 14 og síðan verður súkkulaðikökuhlaðborð hjá Klausturkaffi með djöflatertum og draugakökum. Kl. 16.30 hefst síðan spennandi og fjölskylduvænn ratleikur í Snæfellsstofu sem teygir sig inn í ljósaskiptin og milli húsa á Klaustri. Allir velkomnir.

Vetrarbrautarmót í lomber var haldið um helgina á Skriðuklaustri. Á það mættu hátt í 30 manns víðsvegar að af Austurlandi og einnig úr Húnaþingi. Spilað var frá hádegi og fram undir miðnætti. Við uppgjör kom í ljós að vetrarbrautarmeistari með 248 stig var Niels Sigurjónsson frá Fáskrúðsfirði. Í öðru sæti varð Hávarður Sigurjónsson frá Blönduósi og Óttar Orri Guðjónsson Fellabæ varð þriðji. Einnig voru veitt verðlaun í liðakeppni og varð sveit Fáskrúðsfirðinga þar stigahæst með Niels og hinn 99 ára gamla Guðjón Daníelsson í broddi fylkingar. Það voru lomberklúbburinn Tótus og Gunnarsstofnun sem stóðu fyrir mótinu og styrktaraðilar voru Spilavinir og Alcoa Fjarðaál. Fleiri myndir er að finna á Snjáldurskjóðu Skriðuklausturs

og Gunnarsstofnun efna til Vetrarbrautarmóts í lomber fyrsta vetrardag, 27. október nk. Hefst spilamennskan kl. 13.00 og gert er ráð fyrir að spila fram til 23.00. Spilað verður í tveimur lotum, klassískur lomber og rauðuása-lomber. Verðlaun veitt fyrir samanlagðan árangur. Þeir sem vilja geta einnig tekið þátt í liðakeppni (3-4 í liði) og veitt verða sérstök verðlaun fyrir góðan árangur liðs. Þátttökugjald er kr. 6.500 með súpu í hádegi en 5.200 kr. m.v. kaffi og kvöldverð. Von er á Húnvetningum að norðan. Gott að fá skráningar á Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. . Einnig er hægt að hringja í síma 471-2990 eða mæta á staðinn á laugardaginn.